July 30 International Friendship Day

July 28 Nature Conservation Day

ജൂലായ് 28: ലോക പ്രകൃതി സംരക്ഷണ ദിനം

ഈ ദിനം  ആചരിക്കുന്നതിന്റെ പ്രധാന ലക്ഷ്യം പ്രകൃതി വിഭവങ്ങളും ആവാസ വ്യവസ്ഥകളും സംരക്ഷിക്കുക, പരിപാലിക്കുക, സംരക്ഷിക്കുക എന്നിവയാണ്.  പ്രകൃതിവിഭവങ്ങളുടെ അപചയവും ആവാസവ്യവസ്ഥയിലെ അസന്തുലിതാവസ്ഥയും കാരണം, പ്രകൃതി ദുരന്തങ്ങൾ, ആഗോളതാപനം, വിവിധ രോഗങ്ങൾ തുടങ്ങി നിരവധി അപകടങ്ങളെ ലോകജനത  അഭിമുഖീകരിക്കുന്നു.  അതിനാൽ ഈ പ്രശ്നങ്ങളെ തരണം ചെയ്യുന്നതിനുള്ള ഒരേയൊരു പരിഹാരം ലോകമെമ്പാടുമുള്ള ജനങ്ങളിൽ അവബോധം സൃഷ്ടിച്ച് പ്രകൃതിവിഭവങ്ങൾ സംരക്ഷിക്കുകയെന്നതും നിലവിലുള്ളതും ഭാവിതലമുറയും ഫലപ്രദമായി പരിസ്ഥിതിയെ സംരക്ഷിക്കാൻ അവരെ പ്രോത്സാഹിപ്പിക്കുന്നതുമാണ്.
ലോകത്തിലെ ഓരോ പ്രവർത്തനവും പ്രകൃതിയെ ആശ്രയിച്ചിരിക്കുന്നു. അതിനാൽ നാം ചെയ്യുന്ന ഏത് പ്രവർത്തനവും ഭൂമിയെ ബാധിക്കുമെന്ന്  മനസ്സിലാക്കണം.  പ്രകൃതി സംരക്ഷണം എല്ലാ മനുഷ്യർക്കും ഭൂമിയിലെ അവരുടെ ജീവിതത്തിന്  വളരെ പ്രധാനമാണ്.  വെള്ളം, വായു, മരങ്ങൾ, മൃഗങ്ങൾ, ഭക്ഷണം, മണ്ണ്, ധാതുക്കൾ മുതലായവ ജീവിക്കാൻ അത്യാവശ്യമാണ്.  എല്ലാം പരസ്പരം ബന്ധപെട്ടിരിക്കുന്നു. വനനശീകരണം, വന്യജീവികളുടെ അനധികൃത വ്യാപാരം, മലിനീകരണം, പ്ലാസ്റ്റിക് ഉപയോഗം, രാസവസ്തുക്കൾ, വ്യാവസായിക സംഭവവികാസങ്ങൾ തുടങ്ങി നിരവധി ഘടകങ്ങൾ പ്രകൃതിക്ക് ഭീഷണിയാണ്.  പ്രകൃതിവിഭവങ്ങൾ പരിമിതമാണ്.പ്രകൃതിയെ സംരക്ഷിക്കുകയും ഭാവി തലമുറകൾക്ക് ആരോഗ്യകരമായ അന്തരീക്ഷം സൃഷ്ടിക്കുകയും ചെയ്യേണ്ടത് നാം ഓരോരുത്തരുടെയും കടമയാണ് .
 
 നാം ചെയ്യുന്ന ഓരോ കുഞ്ഞു കാര്യങ്ങൾ ഭാവിയിലേക്കുള്ള കരുതലാണ്. നമുക്കും പ്രകൃതി സംരക്ഷണത്തിന്റെ ഭാഗമാകാം.... കൊച്ചു കൊച്ചു പ്രവർത്തികളിലൂടെ.....

 ആവാസവ്യവസ്ഥ നിലനിർത്തുന്നതിനും മണ്ണൊലിപ്പ് തടയുന്നതിനും കൂടുതൽ മരങ്ങൾ നടുക

 ജലസ്രോതസ്സുകൾ ശരിയായ രീതിയിൽ ഉപയോഗിക്കുക, തോട്ടങ്ങളിൽ നനയ്ക്കുന്നതിന് അടുക്കളയിലെ വെള്ളം വീണ്ടും ഉപയോഗിക്കുക

 വൈദ്യുതിയുടെ ഉപയോഗം കുറയ്ക്കുക

 പുനരുപയോഗം ചെയ്യാവുന്നതും ജൈവ നശീകരണ ഉൽപ്പന്നങ്ങളും ഉപയോഗിക്കുക

 മാലിന്യങ്ങൾ പുനരുപയോഗം ചെയ്യുന്നത് ഉറപ്പാക്കുക

 കുറഞ്ഞ ദൂരത്തേക്ക് കാറുകളുടെ ഉപയോഗം കുറയ്ക്കാൻ ശ്രമിക്കുക

 പ്ലാസ്റ്റിക് ബാഗുകൾക്ക് പകരം പേപ്പർ ബാഗുകളോ തുണി ബാഗോ ഉപയോഗിക്കുക

 ഓർഗാനിക് കമ്പോസ്റ്റ് ഉപയോഗിച്ച് സ്വന്തം പച്ചക്കറികൾ വളർത്തുക

  മഴവെള്ള സംഭരണം ശീലമാക്കാം 

 പ്ലാസ്റ്റിക് വസ്തുക്കൾ ഉപയോഗിക്കുന്നത് ഒഴിവാക്കാൻ ശ്രമിക്കുക തുടങ്ങിയ കൊച്ചു ശീലങ്ങൾ നമ്മുടെ പ്രകൃതിയുടെ, ഭൂമിയുടെ സംരക്ഷണത്തിന്റെ ഭാഗമാണെന്ന് തിരിച്ചറിഞ്ഞു പ്രവർത്തിക്കാൻ കഴിഞ്ഞാൽ അത് നമുക്കും നമ്മുടെ ഭാവി തലമുറക്കുമുള്ള കരുതലുകൾ ആയി മാറുന്നു.എല്ലാ മത വിഭാഗങ്ങളും പ്രകൃതി സംരക്ഷണത്തെ പ്രോത്സാഹിപ്പിക്കുന്നു.അന്ത്യപ്രവാചകനായ നബി(സ )തിരുമേനിയുടെ പരിസ്ഥിതി സ്നേഹത്തിന്റെ ചില സന്ദർഭങ്ങൾ നമുക്ക് നോക്കാം...

ഒരിക്കല്‍ നബി (സ) സഅ്ദ് ബ്‌നു അബീവഖാസിന്റെ അടുത്തു കൂടി നടന്നു പോവുകയായിരുന്നു. അദ്ദേഹമാവട്ടെ വുദു എടുത്തു കൊണ്ടിരിക്കുകയായിരുന്നു. പ്രവാചന്‍ പറഞ്ഞു: എന്തൊരു ധൂര്‍ത്താണ് സഅ്‌ദേ ഇത്?. വുദുവിലും ദൂര്‍ത്തൊക്കെയുണ്ടോ? അദ്ദേഹം ആശങ്ക പ്രകടിപ്പിച്ചു. പ്രവാചകന്‍ പറഞ്ഞു: അതെ, അതൊരു ഒരു ഒഴുകുന്ന നദിയില്‍ നിന്നാണെങ്കിലും.’ (മുസ്‌ലിം, അബൂദാവൂജ്, തിര്‍മുദി/ ജാബിര്‍ ബ്‌നു അബ്ദില്ല)
വൃക്ഷലതാദികള്‍ നട്ടുപിടിപ്പിക്കുന്നതിന്റെ പ്രാധാന്യം കുറിക്കുന്ന ഒരു നബിവചനം കാണുക: ‘അന്ത്യനാള്‍ സംഭവിക്കുകയാണെന്നരിക്കട്ടെ, അപ്പോള്‍ നിങ്ങളിലൊരാറുടെ കൈയില്‍ ഒരു തൈ ഉണ്ടെങ്കില്‍ നടാന്‍ സാധിക്കുമെങ്കില്‍ അവനത് നട്ടുകൊള്ളട്ടെ’ (അഹ്മദ്).

വര്‍ത്തമാന കാലത്ത് ഏറെ ചര്‍ച്ചയായ പരിസ്ഥിതി സുരക്ഷാ ചര്‍ച്ചകളില്‍ തിരുനബി(സ്വ)യുടെ ചര്യയും ഇസ്‌ലാമിക പാഠങ്ങളും പ്രത്യേക ശ്രദ്ധയര്‍ഹിക്കുന്നതാണ്.
പ്രകൃതി വിഭവങ്ങളെ സൂക്ഷിച്ചുഉപയോഗിക്കാൻ പഠിപ്പിച്ച നബി തിരുമേനിയെ നമുക്ക് മാതൃക യാക്കാം.

വിജയികളോടൊപ്പം......

Happy Chess Day....

ചെസ്സ് : കളിയും കാര്യവും

ജൂലൈ 20 അന്തർദേശീയ ചെസ്സ് ദിനം.ചെസ്സ് കളിയും കുട്ടികളുടെ വ്യക്തിവികാസവും എന്നതാകട്ടെ ഇന്നത്തെ ചിന്താവിഷയം.....

ബുദ്ധിമാൻമാരുടെ കളിയെന്നു പൊതുവെ പറയപ്പെടുന്ന ചെസ്സ് ഏതു പ്രായക്കാർക്കും കളിക്കാവുന്ന ഒരു കളിയാണ്.
രണ്ടുപേർ തമ്മിൽ കളിക്കുന്ന ഒരു കളിയാണ് ചെസ്സ്. രണ്ടു നിറങ്ങളിലുള്ള കരുക്കൾ ഉപയോഗിച്ച് ചെസ്സ് കളത്തിലാണ് ഇത് കളിക്കുന്നത്. ഓരോ വശത്തും എട്ടുവീതം എന്ന രീതിയിൽ സമചതുരാകൃതിയിലുള്ള 64 ചെറിയ കളങ്ങൾ നിറഞ്ഞതാണ് ചെസ്സ് കളം.ആറു തരത്തിലുള്ള കരുക്കളും കളങ്ങളിലൂടെ  നീങ്ങുന്നത് വ്യക്തമായ നിയമങ്ങളിലൂടെ വ്യത്യസ്തമായ  രീതിയിലാണ്.

ആരോഗ്യകരമായ മനസും ആരോഗ്യമുള്ള ശരീരവും ഒരു കുട്ടിയുടെ  ഭാവി രൂപപ്പെടുത്തുന്നതിൽ വളരെയധികം സഹായിക്കുന്നു.   ശാരീരിക വ്യായാമങ്ങൾക്ക് പുറമേ മാനസിക വ്യായാമങ്ങൾ ചെയ്യാൻ കുട്ടിയെ പ്രേരിപ്പിച്ചില്ലെങ്കിൽ, ഒടുവിൽ അയാൾക്ക് മാനസിക മരവിപ്പ്,  ഏകാഗ്രത നഷ്ടപ്പെടൽ,  അൽഷിമേഴ്സ്, അല്ലെങ്കിൽ ഡിമെൻഷ്യ തുടങ്ങിയ ഗുരുതരമായ മാനസിക വൈകല്യങ്ങൾ എന്നിവ അനുഭവപ്പെടും. ചെസ്സ് പോലുള്ള ബോർഡ് ഗെയിമുകൾ തലച്ചോറിന്റെ പേശികളുടെ വികാസത്തിനു  വളരെയധികം സഹായിക്കുന്നു.
  സ്ഥിരമായി ചെസ്സ് പരിശീലിക്കുന്നതിലൂടെ കുട്ടികൾക്ക്/വ്യക്തികൾക്ക്  ലഭിക്കുന്ന ഏറ്റവും പ്രധാനപ്പെട്ട നേട്ടങ്ങൾ ചുവടെ പരാമർശിച്ചിരിക്കുന്നു.
📌കുട്ടിക്കാലം മുതൽ തന്നെ സ്ഥിരമായി ചെസ്സ് ഗെയിം കളിക്കുന്നത് കുട്ടിയുടെ പഠനം, ചിന്ത, വിശകലന ശക്തി, തീരുമാനമെടുക്കാനുള്ള കഴിവ് എന്നിവ മെച്ചപ്പെടുത്തുന്നു.

📌കളിയുടെയും ജീവിതത്തിൻറെയും വശങ്ങൾ എങ്ങനെ തന്ത്രപ്രധാനമാക്കാമെന്ന് ചെസ് കുട്ടിയെ പഠിപ്പിക്കുന്നു. 

📌 ജീവിതത്തിൽ അച്ചടക്കം പാലിക്കേണ്ടതിന്റെ പ്രാധാന്യം പഠിപ്പിക്കുന്നു.

📌 കുട്ടിയുടെ ആത്മവിശ്വാസം മെച്ചപ്പെടുത്തുന്നതിനും സഹായിക്കുന്നു

 📌ചെറുപ്പം മുതലേ ചെസ്സ് കളിക്കുന്ന കുട്ടികൾ അസാധാരണമായ മെമ്മറി കഴിവുകൾ പ്രകടിപ്പിക്കുന്നു.

📌കുട്ടിയുടെ ഏകാഗ്രതയും അക്കാദമിക് പ്രകടനവും മെച്ചപ്പെടുത്തുന്നതിനും ചെസ് സഹായിക്കുന്നു.

📌 ക്ഷമാശീലവും ബുദ്ധിശക്തിയും വര്‍ദ്ധി പ്പിക്കുക വഴി ജീവിത വിജയം നേടാന്‍ ചെസ്സ് സഹായിക്കുന്നു.

  ഉത്തരവാദിത്തമുള്ള, അച്ചടക്കമുള്ള, ബുദ്ധിമാനായ ഒരു മനുഷ്യനായി മാറാൻ  ചെസ്സ് ഗെയിം സഹായിക്കുന്നു .ചെസ്സ് കളി പഠിക്കുന്ന ഓരോ വ്യക്തിയിലും മാനസികവും കുടുംബപരവും സാംസ്‌കാരികപരവും ആയ ഗുണങ്ങള്‍വന്നു ചേരുന്നുമെന്ന്
 സാമൂഹിക തിന്മകളിൽ നിന്നും ഒരു ഗ്രാമത്തെ തന്നെ നേരിന്റെ വഴിയിലേക്ക് നയിക്കാൻ ചെസ്സ് കളിയിലൂടെ സാധിച്ച  തൃശൂർ ജില്ലയിലെ  മരോട്ടിച്ചാൽ (ചെസ്സ് ഗ്രാമം )എന്ന ഗ്രാമം നമുക്ക് കാണിച്ചു തരുന്നു.
പുതിയ തലമുറ ഫോണിലും, കമ്പ്യൂട്ടറിലും, ഇന്റർനെറ്റിലും സഭ്യമല്ലാത്തതും അക്രമണോത്സുകവുമായ കളി കൾക്കായ് സമയം ചിലവഴിക്കുമ്പോൾ അവരെ ചെസ്സ് ന്റെ ലോകത്തേക്ക് വഴിതിരിച്ചു വിടാൻ കഴിഞ്ഞാൽ  ബുദ്ധിയും, ഏകാഗ്രതയുമുള്ള ഒരു പുതിയ തലമുറയെ വാർത്തെടുക്കാൻ ചെസ്സ് കളിക്ക് സാധിക്കും എന്ന് നിസ്സംശയം പറയാം.

എന്നിൽ ജീവിത അച്ചടക്കം നിലനിർത്താൻ  ചെസ്സിന്റെ അത്ഭുതലോകത്തേക്ക് എന്നെ കൈ പിടിച്ചു നടത്തിയ എന്റെ പ്രിയപ്പെട്ട ഗുരുനാഥൻ പ്രൊഫസർ എൻ.ആർ. അനിൽകുമാർ സാറിനെ ഈ ചെസ്സ് ദിനത്തിൽ ഏറെ നന്ദിയോടെ ഏറെ ആദരവോടെ  ഓർമ്മിക്കുന്നു*.. 
1982-ലെ ചെസ്സ് ഒളിമ്പ്യാഡിൽ പങ്കെടുത്ത മലയാളിയായ  ഇന്ത്യൻ ചെസ്സ് കളിക്കാരനും  അന്തർദേശീയ ചെസ്സ് ഫെഡറേഷനിൽ നിന്നും അന്താരാഷ്ട്ര കറസ്പോണ്ടൻസ് ചെസ്സ്  മാസ്റ്റർ പദവി നേടിയ ആദ്യത്തെ ഇന്ത്യക്കാരനും തൃശൂർ കെരള വർമ കോളേജ് ലെ ഇംഗ്ലീഷ്  H O D  കൂടിയാണ് അദ്ദേഹം.

 ജീവിതത്തെ ചെസ് കളിയോട് ഉപമിക്കാം.ചെസ്സ് കളിയിലെയും  ജീവിതത്തിലെയും  നീക്കങ്ങൾക്ക്  രണ്ടാമതൊരു അവസരമില്ല. ഓരോ ചലനത്തിനുമുമ്പും നല്ലവണ്ണം ചിന്തിക്കുക.പ്രവർത്തിക്കുക. വിജയിക്കുക..........

*എല്ലാ  ചെസ്സ് പ്രേമികൾക്കും ചെസ്സ്  ദിനാശംസകൾ*

Saeed V H M.com BEd PGDEAS
International F I D E Rated Chess Player

Principal  Mahmoodiyya English School Perinjanam
Director  WE ONE Talent Development Center Chavakkad

വിജയ ചരിത്രം തുടർക്കഥയാക്കി WE ONE

പ്ലസ് ടു പരീക്ഷയിലും വിജയചരിത്രം തുടർക്കഥയാക്കി We One ന്റെ ജൈത്രയാത്രയുടെ ഭാഗമായ വിദ്യാർത്ഥികൾക്കും അധ്യാപകർക്കും രക്ഷിതാക്കൾക്കും അഭിനന്ദനങ്ങൾ 

🌹🌹🌹🌹🌹🌹

ജൂലൈ -1,ദേശീയ 'ഡോക്ടേഴ്‌സ്‌ ദിനം'*

ജൂലായ്  ഒന്ന്- ഡോക്ടർമാരുടെ ദിനം. *ഡോ.  ബി. സി  റോയ്* എന്ന പ്രതിഭയായ ഡോക്ടറോടുള്ള ബഹുമാനാർഥമാണ് ഇന്ത്യയിൽ ജൂലൈ 1 ഡോക്ടർമാരുടെ ദിനമായി ആചരിക്കുന്നത്.

ഒരു കുട്ടിയുടെ ജനനം മുതൽ മനുഷ്യ സമൂഹത്തിന്റെ മൊത്തത്തിലുള്ള ക്ഷേമത്തിൽ ഡോക്ടർമാർക്ക് പ്രധാന പങ്കുണ്ട്.
 മനുഷ്യ സമൂഹത്തിലെ മെഡിക്കൽ പ്രൊഫഷണലുകളുടെ റോളുകൾ, ഉത്തരവാദിത്തങ്ങൾ, പ്രാധാന്യം എന്നിവയെക്കുറിച്ച് ഓർമ്മിക്കാനുള്ള മികച്ച അവസരമാണ് ഈ ദിനം.
ഡോക്ടർമാർ ഇല്ലാത്ത ഒരു സമൂഹത്തെ കുറിച്ച് നമുക്ക് ചിന്തിക്കാൻ പോലും കഴിയാത്ത വിധത്തിൽ  പൊതുജീവിതത്തിന്റെ
ഭാഗമായി മാറിയിരിക്കുന്നു അവർ.

ആതുര സേവനത്തിന്റെ സിംബൽ ആയി മാറിയ വെളുത്ത കോട്ട് ഒരു കോട്ട് മാത്രമല്ല അവർക്ക്. ഉറക്കമില്ലാത്ത നിരവധി രാത്രികളിലെ കഠിനാധ്വാനത്തിന്റെ പിൻബലത്തിലൂടെ പൂർത്തീകരിച്ച
 അവരുടെ ബാല്യകാല സ്വപ്നമാണ്.
 ഒരു ഡോക്ടറെന്ന നിലയിൽ അവരുടെ യാത്രയിൽ അവർ
 നിരവധി ജനനങ്ങൾക്കും മരണങ്ങൾക്കും സാക്ഷിയായി നിന്നിട്ടുണ്ട്.
 നിരവധി ജീവൻ രക്ഷിക്കുകയും ചിലത് രക്ഷിക്കാൻ കഴിയാതെ വേദനിക്കേണ്ടിയും  വന്നവർ.
 സുഖം പ്രാപിച്ചവരും അല്ലാത്തവരും രോഗത്തിന് അടിമപ്പെട്ട്  ജീവിതത്തിനും മരണത്തിനുമിടയിലെ നേർത്ത നൂൽപ്പാലത്തിലൂടെ കടന്നുപോകുന്നവർ...അങ്ങിനെ  ഓരോ ജീവിതത്തിനും പിന്നിലെ കാണാകഥകൾ കണ്ടവർ..... കേട്ടവർ..... അനുഭവിച്ചറിഞ്ഞവർ
 രോഗികളുമായുള്ള വൈകാരിക ബന്ധം വളരെയധികം കാത്തു സൂക്ഷിക്കുന്നവർ.
 ചില സന്ദർഭങ്ങളിൽ ചില ഒറ്റപെട്ട വ്യക്തികളുടെ പ്രവർത്തനം മൂലം   ഈ തൊഴിലിന്റെ പവിത്രതയെക്കുറിച്ച് ചോദ്യങ്ങൾ ഉയർന്നു വരാറുണ്ട്.

എന്നാൽ ബഹു ഭൂരിപക്ഷം പേരും ഡോക്ടർ എന്ന പദവിയുടെ പവിത്രത കാത്തു സൂക്ഷിക്കുന്നവർ തന്നെയാണ് എന്നതിൽ സംശയമില്ല.
 മനുഷ്യത്വത്തെ അങ്ങേയറ്റം ആത്മാർത്ഥതയോടെ കാണുകയും  സേവിക്കുകയും ചെയ്യുകയും ചെയ്യുന്നവർ.
തങ്ങളുടെ ജീവിതത്തിന്റെ സുവർണ്ണ വർഷങ്ങൾ മെഡിക്കൽ സയൻസസ് പഠനത്തിനായി മാറ്റുകയും മനുഷ്യരാശിയുടെ ക്ഷേമത്തിനായി സഹായിക്കുകയും ചെയ്യുന്നവർ.
*ഇന്ന് ലോകം നേരിടുന്ന covid 19* *മഹാമാരിയിലും സ്വന്തം കുടുംബത്തെ പോലും ഉപേക്ഷിച്ചു* *രോഗികളോടൊപ്പം ദിവസങ്ങളോളം കഴിയുന്ന ഡോക്ടർമാരും നഴ്സ്മാരും അല്ലെ നമ്മുടെ യഥാർത്ഥ ഹീറോകൾ...*
*ഇന്നത്തെ ദിവസം മാത്രമല്ല എല്ലാ ദിവസവും അവർക്കുള്ള നന്ദിയുടെ  പ്രകാശം മനസ്സിലും പ്രവർത്തിയിലും കാത്തു സൂക്ഷിക്കുന്നവർ ആകട്ടെ നാം ഒരോരുതരും*